Daily Archives: March 6, 2010

მეცნიერებმა გასახდომი შოკოლადი გამოიგონეს

ბირმინგემის უნივერსიტეტის (დიდი ბრიტანეთი) თანამშრომლებმა, შესაძლოა, ტკბილი კვალი დატოვონ სიმსუქნის წინააღმდეგ კაცობრიობის ბრძოლის ნახევარსაუკუნოვან ეპოპეაში. მათ გამოიგონეს შოკოლადი, რომელშიც საერთოდ არ არის ცხიმი.

ცნობილია, რომ დასავლეთის საზოგადოება ჭარბი წონისგან მეტისმეტად არის შეწუხებული. უკანასკნელი 10 წლის მანძილზე ორჯერ გაიზარდა მსუქანი ბავშვების რაოდენობა, ხოლო მოზრდილებში ეს პრობლემა ყველა მეოთხეს აწუხებს. ამიტომ მეცნიერები თავს იმტვრევენ დაბალკალორიული პროდუქტების შექმნის ამოცანაზე.

უცხიმო შოკოლადის 60 პროცენტი  წყლისგან შედგება – ის იკავებს კაკაოს ცხიმის ადგილს. მეცნიერები ამტკიცებენ, რომ ორგანოლეპტიკური მაჩვენებლებით – სუნით, გემოთი და ფერით ახლადშექმნილი პროდუქტი ძნელად გაიჩევა ჩვეულებრივისაგან . ის ისეთივე ნაზი იქნება, როგორც საყვარელი “ბატონჩიკი’’.

მთელი საიდუმლო მომზადების ტექნილოგიაშია. თხევადი შოკოლადი შეიძლება ისე შევურიოთ წყალს, ჰაერს და სპეციალურ გელს, რომ მათი მოლეკულები შეცვლიან კაკაოს ცხიმის მოლეკულებს. ასევე შეიძლება მომზადდეს 5 პროცენტიანი მაიონეზი.

ახალი ტექნოლოგიით შეიძლება შეიქმნას პროდუქტები მარილის მცირე შემცველობით ისე, რობ გემო არ შეიცვალოს. ასეთი მეთოდით მარილის რაოდენობის შემცირება შეიძლება 80 პროცენტით.

მეცნიერები თვლიან,  ამგვარად შეიძლება ერის ჯანმრთელობის მდგომარეობის გაუმჯობესება და სიმსუქნის პრობლემის დაძლევა.

თუმცა, ჩვენი  “გაუნათლებელი” გონება თვლის, რომ ეს პროდუქტები უგემურია, ხოლო სიმსუქნეს უნდა ვებრძოლოთ არა ტახტზე წოლით ამ შოკოლადით ხელში, არამედ მეტი მოძრაობით, ვარჯიშით, ბევრი ხილით და ბოსტნეულით.

from: www.eva.ge

ბრძენი ქალის მცნებები – ნახევრად ხუმრობით

ყველა იმედი რეალისტური უნდა იყოს.

არასდროს დაივიწყო ის, რაც შენთვის ძვირფასია ცხოვრებაში და ნუ დაკარგავ ღირსებას.

ნუ ეცდები მამაკაცის გულის მოგებას, მისთვის ამებას იმაზე მეტად, ვიდრე ის ცდილობს ამას.

თუ მამაკაცი პაემანზე აგვიანებს, ძალიან დიდხანს ნუ დაელოდები, ყოველ შემთხვევაში, იმაზე დიდხანს არა, ვიდრე თვითონ გელოდება ხოლმე.

ნუ გადააჭარბებ და მაინცდამაინც დიდ სიბეჯითეს ნუ გამოიჩენ მამაკაცის პრობლემებითა და დრამებით გამსჭვალვაში; არ ღირს მისი გამართლების ძებნა, თუკი ამ გამართლებას არ იმსახურებს.

ღვთაებად ნუ აქცევთ მოკვდავ მამაკაცს.

ადამიანზე საქმეებით იმსჯელეთ და არა ტკბილხმოვანი და დათაფლული სიტყვებით.

არ ღირს შეურაცხყოფისა და წყენის მოთმენა, რა ფორმითაც არ უნდა მჟღავნდებოდეს ისინი.

ნუ დაგავიწყდება, რომ პიროვნება ხარ, ნუ დაფლავ შენს ტალანტებს, შეეცადე, შენს უნარებსა და ნიჭს გამოყენება მოუძებნო, და შინაგანი დამოუკიდებლობა არ დაკარგო.

ყოველთვის სამართლიანი იყავი მამაკაცებთან მიმართებაში და ისე მოიქევი, რომ პატივი გცენ.

ბრძენმა ქალებმა იციან: რომ იყო ბრძენი, ადვილი არ არის, მაგრამ ეს დაბრკოლება არაა, თუკი ჭკუაზე მოსვლა გადაწყვიტეთ.

თვრამეტი წლის ქალიშვილმა უნდა იცოდეს მარტივი ჭეშმარიტება – მამაკაცები უნდა დასდევდნენ ქალს და არა – პირიქით. არც ერთი ჭეშმარიტად თავმოყვარე ქალი უფლებას არ მისცემს საკუთარ თავს, უკან აედევნოს მამაკაცს და საშუალება მისცეს, მისი გრძნობებით ითამაშოს. მაგრამ, ჭეშმარიტმა ქალმა ისიც იცის, რომ თუკი ოსტატურად შენიღბავს ზრახვებს და საწადელს ისე მიაღწევს, მამაკაცი დარწმუნებული იქნება, რომ მან მოინადირა ქალი და არა – პირიქით.

პრინციპი ”მამაკაცი მონადირეა, ქალი კი – ნადავლი”, არ უნდა დაირღვეს. მამაკაცს მოსწონს როცა ნადირობს, მიეცით ამის საშუალება. მოიქეცით ისე, როგორც იქცევა ველური მხეცი, რომელსაც კვალში მონადირე ჩასდგომია. დაიმალეთ, გაიქეცით, იეშმაკეთ, მაგრამ ძალიანაც ნუ მოინდომებთ, ისე არ დაიმალოთ, რომ ვეღარავინ გიპოვოთ.

ურთიერთობის დაწყებისას ყველა მამაკაცი თეთრ ცხენზე ამხედრებული უფლისწულია, მაგრამ ხშირად ეს მხოლოდ მირაჟია, რომელიც მალევე  ქრება. იმედგაცრუებიდან სასოწარკვეთამდე კი ნახევარი ნაბიჯია. შეიყვარეთ – მაგრამ მოახერხეთ ისე, რომ ბედნიერებისაკენ სავალი გზა ეკლებით მოფენილი არ იყოს. რა თქმა უნდა, მამაკაცმა თქვენგან სითბოც უნდა იგრძნოს, მაგრამ თქვენი დაკარგვის შიშიც უნდა ჰქონდეს. ცოტას თუ აეჭვიანებთ, ეს თქვენს ურთიერთობას მხოლოდ წაადგება.

* * *
ყველა თეორია და რჩევა გასათვალისწინებელი და მისაღებია, სანამ ნამდვილად არ შეგიყვარდებათ. როცა სიყვარული მოდის, გონება გულის ტყვეობაში ექცევა და ძნელია, სიტუაცია შენს სასარგებლოდ მართო. არავინ გეუბნებათ, რომ საერთოდ არ უნდა შეიყვაროთ, მაგრამ ეცადეთ, ამ სიყვარულში თავით არ გადაეშვათ, თორემ შესაძლოა კისერიც მოიტეხოთ.

from: www.eva.ge