Timha 09.10.2013

სულაკაური ფამუქის წიგნების გათარგმნას ვერ ასწრებს და მე კითხვას
ვცდილობ დავეწიო და რაც არის გადათარგმნილი ყველაფერი წავიკითხო, მაგრამ არ გამომდის. ხან მე ვზარმაცობ ხან ჩემი მეორე მე და დროს კითხვის ნაცვლად ფეისბუქის ნიუს ფიდში ვკარგავ.
მოკლედ, მდუმარე სახლი დიდი ხანია გამოვიდა და მის მერე სვავივით დავტრიალებ. ხან თოვლში გავცვალე და ის ვიყიდე, ხან სტამბული და ხანაც კაჭკაჭჯაფარა. თუმცა, დღეს უნივერსიტეტიდან გამოსულმა ჭავჭავაძე, რომ გადავკვეთე (რომ იცოდეთ იქ პატრული ხშირადაა და აჯარიმებს ხოლმე ხალხს და სწორიცაა პრინციპში. მიწისქვეშა გადასასვლელია 2 ნაბიჯში რაც მიტანტალებენ ამ შუა ჭავჭავაძეზე) და ბიბლუსის კარი შევაღე, ზუსტად ვიცოდი, რომ მდუმარე სახლი უნდა მეყიდა.

ხოდა, ჩემი დღევანდელი ტიმჰაც ორჰან ფამუქის მდუმარე სახლია ^_^

Timha 08.10.2013

გადავწყვიტე რომ Timha-ს პოსტებს დავუბრუნდე. Things I’m Happy About. მარტივად რომ ავხსნა, Timha-ს აზრი მდგომარეობას იმაში, რომ ყოველდღე უნდა იპოვო რაღაც ისეთი რაც გაბედნიერებს, რასაც კარგ ხასიათზე მოჰყავხარ და ა.შ. უწინ, დიდი მონდომებით ვწერდი ხოლმე, მაგრამ მოხდა ისე რომ დავანებე თავი.

მოკლედ, დღევანდელი timha #1

კაჭკაჭჯაფარა რამდენიმე დღეა გამოვიდა. მაგრამ, მე მაინც ბიბლუსის მაღაზია მიყვარს და ველოდები როდის შეიტანენ ხოლმე იქ. მიყვარს იმიტომ, რომ უნივერსიტეტის პირდაპირაა და ძალიან მოსახერხებელია და კიდევ იმიტომ, რომ მათი დაგროვებითი ბარათი მაქვს.
დღეს წიგნის ყიდვისას კიდევ ერთხელ დავრწმუნდი ბაკურ სულაკაურის გამომცემლობის სიყვარულში. ფურცლები ხარისხიანი, დიზაინი კარგი, თარგმანი გადასარევი, ფასი ხელმისაწვდომი. მოკლედ, მიყვარს ეს გამომცემლობა. უბრალოდ, კაჭკაჭჯაფას რუსთაველის ბიბლუსში მივაკვლიე ძლივს. სხვაგან უბრალოდ აღარ ჰქონდათ.

Timha #2

თუკი ისეთ ადგილას ვარ, სადაც ლამაზი ბლოკნოტებია და მე ცოტაოდენი ფული მაქვს. იმ ბლოკნოტებიდან რომელიღაცა ჩემი საკუთრება ხდება.
არ ვიცი როდიდან დავიწყე, მაგრამ ფაქტია ბლოკნოტებზე ვგიჟდები. მიყვარს როდესაც მიდევს უჯრაში, ვათვალიერებ და გაბრწყინებული თვალებით ვუყურებ ხოლმე : ) შიგნით რაიმეს ჩასაწერად მენანება :დ ჰოდა, დღეს ბიბლუსში ის, ის იყო უნდა გამოვსულიყავი რომ თვალი მოვკარი ამ პაწუკა და ძალიან ლამაზ ბლოკნოტს. მათ დაგროვებით ბარათზე საკმარისი თანხა აღმომაჩნდა და წიგნს ესეც გამოვაყოლე.

თამამად შემიძლია ვთქვა რომ წარმატებული დღე მქონდა.
წიგნი ვიყიდე.
ბლოკნოტი ვიყიდე.
დასაპლომბი კბილი დავიპლომბე.
მეგობარი ვნახე, რომელსაც წელიწადში ორჯერ ვნახულობ ხოლმე.

სასიამოვნო დღე იყო.

სტუდენტის ბედნიერებანი Timha 20/04

დღეს მაღლივში, წვიმაში და ტყლაპოში მაინც ბედნიერი ავედი, იმიტომ რომ შუალედური გამოცდები მორჩა. ბოლო გამოცდა დავწერე და დავტოვე იქაურობა სავარაუდოდ 6 კვირით. მხოლოდ ისინი გამიგებენ რას ვგრძნობ, ვისაც გამოცდები ჰქონდა, ოღონდ მაღლივში.

ასე თუ ისე ნორმალურად ვწერე, მგონი. მაგრამ რამდენჯერაც ასე მეგონა იმდენჯერ დაბალი ქულები მივიღე, ასე რომ 🙂

სექს ენდ სე სითის ყურება დავიწყე თავიდან. მეორე სეზონის მეათე სერია უნდა ჩავრთო. ვუყურებ და ტკბილად დამეძინება.

ხვალ კვირაა და იმ დროს გავიღვიძებ როცა მომინდება ^_^
ხვალ ვისვენებ. დავიღალე ამ კვირისგან.

შოპინგი, Timha 10.04

არ მიყვარს შოპინგი. ის ფული რაც სხვადასხვა ტანსაცმელში უნდა დავხარჯო მირჩევნია სხვა რამეებში დავხარჯო. მაგალითად სიამოვნებით ვიყიდდი  წიგნს მაისურის მაგივრად, ბლოკნოტს შარვლის მაგივრად და ა.შ. რომ არ არსებობდეს ჩემი და, მომიწევდა ერთი და იგივე ტანსაცმელით მევლო იქამდე, სანამ ზედ არ შემომეხეოდა. არ მექნებოდა მაგაზე პრობლემა.

ერთი კვირაა მეჯუჯღუნება, წავიდეთ ვიყიდოთ რაღაცებიო. მეც საყიდელი მაქვს და შენც იყიდეო. ხოდა, ჯერ კიდევ გუშინ შემითანხმდა რომ დღეს 3საათზე უნდა შევხვედროდი დაგველაშქრა მიმდებარე ტერიტორია.

საბოლოო ჯამში, 3 საათიანი ბოდიალის შედეგად ჩემთვის ვიყიდე 5 რაღაც და ქეთოსაც ვუყიდე პერანგი (ა.კ.ა საროჩკა). ძალიან მომეწონა, მე ვიწრო მქონდა და არ მინდოდა ისე დამეტოვებინა. ხოდა, ვიმედოვნებ ქეთოს მაინც მოერგება და მორგებასთან ერთად მოეწონება კიდეც ^_^

Timha 09.04

ახალი წიგნი ყველაფერს მირჩევნია ❤ როგორც კი ზედმეტ ფულს აღმოვაჩენ მაშინვე შევრბივარ უნივერსიტეტის წინ მდებარე ბიბლუსში და მოვათრევ ახალ წიგნს ^_^

ერთი სული მაქვს როდის დავიწყებ ^_^

 

ყელსაბამი Timha 08.04

ფეისბუქზე არსებობს ეგეთი გრუფი Home Sale, სადაც წააწყდებით უამრავ ლამაზ და საჭირო ნივთს. ზოგს იაფად და ზოგსაც შედარებით ძვირად. ყიდიან ტანსაცმელს, სამკაულებს, წიგნებს, ავეჯს, “დაჟე” თუთიყუშსაც კი ყიდდნენ 🙂 მოკლედ, კვირაში ერთხელ ვათვალიერებ ხოლმე ამ გრუფს და ვცდილობ საჩემო რაღაც ვიპოვო. ხშირად ყოფილა შემთხვევა როდესაც ესა თუ ის ნივთი მომწონს, მაგრამ ჩემად ვერ აღვიქვამ. უბრალოდ შორიდან საყურებლად მომწონს. მაგრამ, ერთ საღამოს შემთხვევით წავაწყდი პოლსკას მიერ დადებულ ყელსაბამებს ^^ თანაც ვენეციური შუშის. რატომღაც ბავშვობიდან მომწონდა ვენეციური შუშა და როგორც კი დავინახე მაშინვე გადავწყვიტე რომ ჩემი უნდა გამხდარიყო. დღეს, ლექციიდან ლექციამდე შუალედში რუსთაველზე, ბიბლიოთეკასთან პოლსკა ვნახე და უკვე ჩემი კუთვნილი ყელსაბამი ხელში ჩავიგდე ❤

შაბათის Timha

ჩემი ტიმჰა ისაა რომ დღეს შაბათია, დღეს ყველაზე ადრე, 3 საათზე, ვამთავრებ ლექციას და ასევე ყველაზე ადრე, 9-საათზე, ვიწყებ. სამაგიეროდ უფრო ბევრი დრო მაქვს მეგობრების სანახავად, გარეთ საბოდიალოდ და იმაზე საფიქრალად რომ ხვალ კვირაა. დღე, როდესაც სახლში ვზივარ სრულიად უსაქმურად და არ ვაკეთებ არაფერს. მხოლოდ ვფიქრობ, რომ ურიგო არ იქნებოდა მემეცადინა და მაგ ფიქრებსაც სულ რამდენიმე წუთს ვუთმობ. დღე, როდესაც სახლიდან ცხვირის გაყოფა არ მინდა და ყველაფერს ერთი ჭიქა ჩაი და ფეისბუქის სქროლვა მირჩევნია.
ხვალ კვირაა, და ვოცნებობ რომ დილით არავინ გამაღვიძოს.