Tag Archives: ბათუმი

ბათუმი

batumiერთ არც თუ ისე მშვენიერ დღეს, როდესაც მეგობართან ვიყავი ქეთომ თავისთვის ჩაილაპარაკა, ამ ხელფასზე ბათუმში მინდა წასვლაო. ბათუმს როგორც კი ყური მოვკარი ეგრევე წამოვხტი, თუ მაინც და მაინც დაგინებული არ გაქვს, რომ მარტო უნდა წახვიდე, თუ შეიძლება მეც წამოგყვები-მეთქი. წამოდიო, გაუხარდა.

დავთქვით თარიღი, 11 დეკემბერი, მეც რომ მქონოდა ხელფასი აღებული და ქეთოსაც ძალიან არ ჰქონოდა თავისი დახარჯული. მე ბუქინგ.ქომზე და ეარბიენბიზე ბინებს და სასტუმროებს ვეძებდი. ზოგი მეძვირა, ზოგი მომეწონა და დავაბუქმარქე, გამომადგება-მეთქი. ბევრი ფულის დახარჯვაც არ მინდოდა.

ერთ საღამოს, ისე, სასხვათაშორისოდ ჩემს მშობლებს ვუთხარი, შაბათ-კვირას ალბათ ბათუმში წავალ, ორი დღე დავისვენებ-მეთქი და ის ის იყო უნდა დამემატებინა, რომ სასტუმროც მგონი შევარჩიე-მეთქი რომ მამაჩემმა მკითხა ჩვენს ბინაში მიდიხართო? ხოდა, ეგ კითხვა იყო და მეც მოულოდნელად გამახსენდა, რომ უი! მე ხომ ბათუმში ბინა მაქვს! პატარა, საყვარელი, გადასარევი ხედით და ა.შ. ცხადია როგორც კი ჩემებმა გააცნობიერეს რომ არ მახსოვდა ბინის არსებობის შესახებ, ორხმაში დამცინეს, მთელი საღამო დამცინოდნენ.

მერე პარასკევი საღამოც დადგა. მეტროს ავტობუსით გადავწყვიტეთ წასვლა. დროის მიხედვით ყველაზე მეტად ეგ გვაწყობდა. 8 საათზე გავიდა და სადღაც 3-ის ნახევარზე უკვე ბათუმში ვიყავით. კი კომფორტულია, კი ყავა/ჩაი აქვთ, წყალიც და კი ყველას თავისი მონიტორი აქვს სადაც შეუძლია ფილმს უყუროს, ან ითამაშოს ან რამე ქნას, მაგრამ 6 საათი მგზავრობა არის მომაკვდინებელი. ასე ძალიან რომ არ ვიღლებოდე მგზავრობით ალბათ ყოველ შაბათ-კვირას ვივლიდი ბათუმში.

შაბათს დილით უკვე ბათუმში სასეირნოდ გავედით.

batumi

ამ პერიოდში, ზამთარში, პირველად ვიყავი. სიწყნარე, სიმშვიდე, ლურჯი ზღვა, ბევრი თოლია, სუფთა ქალაქი, მზე, უღრუბლუ ცა – ყველაფერია საიმისოდ რომ თავი ბედნიერად იგრძოს ნებისმიერმა.
რამდენიმე მიზეზი მაქვს რომ ბათუმი მიყვარდეს:
1. არ ჰგავს საქართველოს ტიპიურ ქალაქებს, ყველასგან განსხვავებულია;
2. ლამაზია
3. მშვიდია
4. ამ ქალაქში შეუძლებელია რომ ვინმე უბედური იყოს
5. და ყველაზე მთავარი – ზღვა! იქ, სადაც ზღვაა ყველაფერი კარგადაა.

batumi

თბილ, ლამაზ, ვიწრო, ქვაფენილიან ქუჩებში სეირნობა, ძალიან პატარა და მყუდრო კაფეებში დალეული გლინტვეინი, ზღვის სანაპიროზე მზის ქვეშ წოლა და ზღვის ხმის მოსმენა და ზღვის სუნი, ორი დღის წინ გახსნილი კაფის “დაგემოვნება” (მერე რა რომ არც მენიუ ჰქონდათ, არც სამზარეულო და ჩაიც მხოლოდ მწვანე იყო), 26 მაისის პარკი, ერას მოედანი – ხანდახან ძალიან მშურს მათი, ვინც ბათუმში ცხოვრობს.

batumi

ასე თუ გავაგრძელე, სერიოზულად დავიწყებ ბათუმში სამსახურის მოძებნას.

 

სიგრილის გემო ბათუმში

ბათუმი ერთადერთი ქალაქია საქართველოში, სადაც სიამოვნებით ვიცხოვრებდი. ბათუმში მზეც მიყვარს, მოღრუბლული ამინდიც, და წვიმაც კი, რომელიც ყველგან განწყობას მიფუჭებს ბათუმის გარდა. ოცნებად მაქვს ვნახო თოვლიანი ბათუმი, მაგრამ ჯერჯერობით მხოლოდ ფოტოებს ვჯერდები.

ლამაზია ბათუმი, მომწონს ახალი აშენებული შენობები, მომწონს შუადღისას ბულვარში ყოფნა და ზღვის ჰაერის სუნთქვა. ამ ყველფრის გარდა ბევრი კარგი ადგილია, სადაც შეისვლება და განწყობა ნამდვილად არ გაგიფუჭდება. ერთ-ერთი ასეთი ადგილი  “Sector 26 Lounge”- ია.

ლაუნჯი ბულვარშია, ზღვის მხარეს და ერთადერთი კლუბია, რომელსაც საცურაო აუზი აქვს. გარემო გადასარევია, მუსიკაც შესანიშნავი და რაც მთავარია 24 საათის განმავლობაში კარგი მომსახურეობა და აქტივობები მომხმარებელს გარანტირებული აქვს. მუსიკა არასდროს წყდება, ჰყავთ დღის და ღამის DJ-ები. ღამით სხვადასხვა ცნობილ DJ-ებს იწვევენ, მაგალითად icolas Jaar, Martin Eyerer, Telepopmusic, Touch & go, Gramaphonedzie, José Padilla (café del mar), Michael Gray, და ა.შ.

კიდევ ერთი დიიიდი პლიუსი, რომელიც “Sector 26 lounge”-ში წელს დამსვენებელს დახვდება tik-tak_ია!

tik tak

 

ივლისის ბოლოდან სექტემბრის შუა რიცხვებამდე ლაუნჯს ტიკ-ტაკი დაიპყრობს!
ლაუნჯში შესვლისას შემაჩნევ TicTac-ის ქოლგებს და პუფებს, რომლებიც ლაუნჯში ყოფნის დროს მომხმარებელს დასვენებისა და განტვირთვის საშუალებას აძლევს. ასევე, კვირაში ერთხელ, შაბათ დღეს, ტიკ-ტაკის პრომოები მომხმარებლებს სიგრილის გემოს, ტიკ-ტაკს ურიგებენ. და რაც ყველაზე სასიამოვნოა, მომხმარებელს საშუალება ექნება ბართან დააგემოვნონ ტიკ-ტაკი და სიგრილეს გაუსინჯონ გემო 🙂

ტიკ-ტაკი ყველგან განსაკუთრებულია, მაგრამ კიდევ უფრო განსაკუთრებული ბათუმშია! ლაუნჯი ტიკ-ტაკის არომატით კიდევ უფრო მიმზიდველია ❤

tik tak in batumi

 

BIAFF2014

biaff-ი (ბათუმის ფილმის ფესტივალი) არის ერთ-ერთი ძალიან კარგი რამ რაც ჩემს ცხოვრებაში ხდება აგერ უკვე რამდენიმე წელია.
პირველად 2011 წელს ვიყავი და მის შემდეგ ყოველ წელს ჩავდივარ. ძალიან დიდი იმედი მაქვს, რომ ამ წელსაც მოვახერხებ ბათუმში ყოფნას, აპოლოში ფილმების ნახვას და მათზე პოსტების წერას.

biaff2014

biaff 2014 წელსაც, ტრადიციულად, აგრძელებს ბლოგერების კონკურსს. ბლოგერების კონკურსისთვის აუცილებელია:

  • რეგისტრაცია – უნდა დარეგისტრირდეს წინასწარ როგორც კონკურსის მონაწილე.  რეგისტრაცია ხდება ძალიან მარტივად   სარეგისტრაციო ფორმის (http://goo.gl/cxAMX) შევსებით.  რეგისტრაცია უნდა გაიაროთ 25 აგვისტომდე. ცხადია კონკურსში მონაწილე ბლოგერებს უნდა შეეძლოთ კინოფესტივალის პერიოდში (14-21 სექტემბერი) ბათუმში ყოფნა და კინოფესტივალზე დასწრება;
  • ბლოგზე კინოფესტივალის ბანერის განთავსება (საიტზე გადასასვლელი ბმულით);
  • კინოფესტივალამდე 1 ბლოგ პოსტის გაკეთება;
  • კინოფესტივალის მსვლელობისას არსებული სიახლეების გაზიარება სოციალური ქსელების მეშვეობით.

ბლოგერების კონკურსში მონაწილე ბლოგერებს კინოფესტივალი სთავაზობს შემდეგს:

  • აკრედიტაციას რაც საშუალებას მისცემს დაესწრონ ფესტივალის მსვლელობისას დაგეგმილ ნებისმიერ კინოჩვენებას;
  • ბლოგერებს ფესტივალის მსვლელობისას ექნებათ საშუალება დაესწრონ ყველა პრესკონფერენციასა და მასტერ კლასს, ჩაწერონ  ფესტივალის ჟიური, სტუმრები და ფესტივალის ორგანიზატორები;
  • ყველა ბლოგერს გადაეცემა ბეჯი სადაც აღნიშნული იქნება ბლოგერის სახელი გვარი ბლოგის მისამართი;
  • ბლოგერებს საშუალება ექნებათ დაესწრონ კინოფესტივალის გახსნის და დახურვის ცერემონიას, რომელიც ლიმიტირებულია და მოსაწვევებით ხდება;
  • ყველა ბლოგერს მაისური ფესტივალის ლოგოთი და ფესტივალის კატალოგი.

გამარჯვებული ბლოგერებისთვის დაწესებულია შემდეგი პრიზები:

  •  BIAFF პრიზი – 3 ბლოგერი რომელიც ყველაზე ინტენსიურად და საინტერესოდ გააშუქებს ფესტივალს, მომავალ წელს ბათუმის საავტორო კინოფესტივალის ექსკლუზიური ბლოგერის სტატუსით ისარგებლებს  და სამივე ბლოგერის ტრანსპორტირებას, ბათუმში საცხოვრებელი ადგლისა და ცხოვრების ხარჯებს კინოფესტივალი დაფარავს. ასევე ისინი მოწვეულნი იქნებიან კინოფესტივალის გახსნისა და დახურვის ცერემონიასა და ბანკეტზე;
  • სასტუმრო რჩეული ვილას ქსელის პრიზი  – გამარჯვებულ 3 საუკეთსო ბლოგერს გადაეცემა  2 დღიანი, ორკაციანი ვაუჩერი სასტუმრო „რჩეულ ვილას“ რომელიმე სასტუმროში  (ბათუმი, ქუთაისი, თელავი, სიღნაღი) დასვენებისთვის;
  • კინოფესტივალის პარტნიორი ტურ კომპანიის პრიზი –  3 ბლოგერს გადასცემს 2-3 დღიან სამოგზაურო ვაუჩერს (საქართველოს ფარგლებში).

სავარაუდოა, რომ ფესტივალამდე პრიზები დაემატება.

მაგრამ, ბიაფფ-ზე ყოფნა მხოლოდ პრიზებისთვის არ ღირს. საოცარი სიტუაცია, ბევრი კარგი და ხანდახან ცუდი ფილმები, კიდევ უფრო კარგი ხალხი და სექტემბრის ბათუმი!

დამატებითი ინფრომაციისთვის შეგიძლიათ ეწვიოთ საიტს ( http://www.biaff.org/ ),  ფეისბუქ გვერდს – https://www.facebook.com/BIAFFBATUMI და დაუკავშირდეთ ფესტივალის მენეჯერს –  ზვიადი ელიზიანი – ელ.ფოსტა: press@biaff.org, მობ: 574 482 181.

შექმენი საკუთარი ქილა

კოკა-კოლას ახალი წამოწყების შესახებ, „გაუზიარე კოკა-კოლა მეგობარს“, უკვე ყველამ იცის. თავიდან კითხვის ნიშნები გაჩნდა და ვერ გაიგეს რას ნიშნავდა გაუზიარე კოკა-კოლა ლაშას, ან სანდროს, ან ნათიას, თუმცა საბოლოო ჯამში მომხმარებელმა აიტაცა და მაღაზიებში ხშირად წავწყდომივარ როგორ ეძებს ვინმე თავის სახელიან კოკა-კოლას, ან მეგობრის სახელიანს ან სულაც კოკა-კოლას მამისთვის.

კოკაკოლა

ამ პერიოდისთვის დაბეჭდილია სულ 40 სახელი და სრულიად დაცულია სქესობრივი ბალანსი : ) 20 ქალის სახელია და 20 მამაკაცის. სახელები შერჩეულ იქნა სტატისტიკის დეპარტამენტის მონაცემებზე დაყრდნობით. თუმცა, ამ სახელების გარდა ლიტრანახევრიან ბოთლებზე არის კიდევ 7 სიტყვა დაბეჭდილი: მეგობრებს, დედას, მამას, ძმას, დაიკოს, შეყვარებულს და ერთადერთს.

გაუზიარე კოკა-კოლა მეგობარს

გაუზიარე კოკა-კოლა მეგობარს

 

ასეა თუ ისე, აღმოჩნდნენ ადამიანები, რომელთა სახელებიც კოკა-კოლას ბოთლებზე არ იყო. სწორედ მათთვის დაიგეგმა კოკა-კოლას აქცია. ნებისმიერ მსურველს აქვს საშუალება შეუერთდეს კოკა-კოლას ღონისძიებას, იპოვოს კოკა-კოლას სპეციალური მანქანა და კოკა-კოლას გუნდს დააწერინოს თავისი სახელი 330მლ  ქილაზე.

შექმენი საკუთარი ქილა :)

შექმენი საკუთარი ქილა 🙂

აღსანიშნავი ფაქტია, რომ აქცია არის ძალიან კარგად ორგანიზებული. სპეციალურ აპლიკაციაში (გადადით ლინკზე) წინასწარ არის გაწერილი გრაფიკი, სად და როდის ჩატარდება შემდეგი აქცია, ასე რომ ნებისმიერ მსურველს საკუთარი საცხოვრებელი უბნის მიხედვით შეუძლია აქციაში მონაწილეობა. აღნიშნული აქცია იმართება არა მხოლოდ თბილისში, არამედ წყნეთში, რუსთავში და ბათუმშიც.

აირჩიე სასურველი უბანი სპეციალურ აპლიკაციაში

აირჩიე სასურველი უბანი სპეციალურ აპლიკაციაში

 

კოკა-კოლის პირველი აქციას ვერის ბაღის მიმდებარე ტერიტორიაზე მეც დავესწარი. ბუშტებიანი და კოკა-კოლიანი გოგოები ხალხს საკუთარ სახელიან კოკა-კოლას სთავაზობდნენ. თავიდან ხალხი გაკვირვებული უყურებდა, ზოგს ფლეშმობი ეგონა, ზოგს უბრალოდ რაღაც დადგმა, თუმცა საბოლოო ჯამში კოკა-კოლას მანქანის მისადგომებთან ყველა ასაკის ადამიანი შეიკრიბა. ყველას სურდა რომ კოკა-კოლა დაელია ისეთი ქილიდან, რომელსაც მათი სახელი ეწერებოდა 🙂

კოკაკოლა

 

შექმენი საკუთარი ქილა 🙂

მეც გავაკეთებინე ჩემთვის კოკა-კოლა ^_^ და სიყვარულოვნა დავაწერინე. თავიდან გაიკვირვეს, მაგრამ მერე მითხრეს ზუსტად 12 სიმბოლიანიაო (მეტი არ შეიძლება) და გაგიმართლაო. 10 წუთში ჩემი კოკა-კოლა მზად იყო და სიამაყით დავყურებდი ზედ. რაღაცნაირი სასიამოვნო გრძნობაა როდესაც რაღაცას სპეციალურად შენთვის ამზადებენ.

გაუზიარე კოკა-კოლა სიყვარულოვნას ^^

გაუზიარე კოკა-კოლა სიყვარულოვნას ^^

გარდა იმისა რომ აქცია საკუთარ სახელიან ქილას გთავაზობდა, მიმდებარე ტერიტორიაზე კოკა-კოლას გოგოები კოკა-კოლებს არიგებდნენ, თანაც გიხსნიდნენ და ისე გთავაზობდნენ. ხშირად ვერ ვხსნი, ან გახსნისას ვიწუწები ხოლმე და სწორედ ამიტომ ფრიად ნასიამოვნები დავრჩი როდესაც სასიამოვნო გოგონამ გახსნილი კოკა-კოლა შემომთავაზა.

IMG_6825

 

სანამ აქცია დაიწყებოდა იქვე გამოკრულ წესებს გავეცანი. წესები იტყობინებოდა რა სახის წარწერის გაკეთება არ შეიძლება ქილაზე, ან რომელი ასაკიდან შეუძლია პირს მონაწილეობა მიიღოს აქციაში, ვისთვის უნდა დავაწეროთ კოკა-კოლას სახელი და საბოლოო ჯამში მიღებულ კოკა-კოლას რა უნდა ვუყოთ 🙂  ასე მაგალითად, ქილაზე არ დაიბეჭდება ისეთი სახელები რომლებიც არის – არაკანონიერი, უხამსი, შეურაცხმყოფელი, მუქარის გამომხატველი, ძალადობრივი, სკანდალური,  დისკრიმინაციული (ნებისმიერ შემთხვევაში), ასევე სახელები რომლებიც უბიძგებს ადამიანს შეუფერებელი, არაკანონიერი საქციელისკენ. ასევე არ დაიბეჭდება სახელები რომლებიც მესამე პირის ინტელექტუალური საკუთრებაა, ან არ წარმოადგენს თქვენს ან თქვენი მეგობრის სახელს, მაგალითად, რომელიმე ცნობილი ადამიანის სახელი. აკრძალულია ისეთი სახელის გამოყენება, რომელიც არ ემორჩილება ამ წესებს.

coca-cola

საბოლოო ჯამში სასიამოვნო ღონისძიება გამოვიდა, მეც და კიდევ უამრავი ადამიანი ფრიად ნასიამოვნები დავრჩით. თქვენც გაქვთ შანსი გააკეთოთ სასურველი წარწერა კოკა-კოლას 330მლ ქილაზე და გაუზიაროთ მეგობარს 🙂 გადაამოწმეთ აპლიკაციაში  ან Coca-Cola–ის Facebook–ის გვერდზე, დრო და ადგილი და დახვდით კოკა-კოლის მანქანას და გუნდს თქვენს უბანში ^_^

 

 

 

Biaff 2013 და ბლოგერების კონკურსი

ბათუმის კინოფესტივალი 2006 წელს დაარსდა და უკვე მერვე წელია რაც აქტიურად ტარდება. წელს ბიაფი 15-22 სექტემბრის პერიოდში გაიმართება. ფესტივალის ფარგლებში მეოთხე წელია ცხადდება კონკურსი ბლოგერებისთვის. ვინაიდან საკმაოდ ბევრი ბლოგერი მეკითხება ფესტივალის განმავლობაში არსებულ კონკურსზე გადავწყვიტე მოკლედ ჩამომეყალიბებინა პოსტში.

პირველად ბათუმის ფილმის ფესტივალზე 2011 წელს მოვხვდი. სიმართლე გითხრათ ჩემი განზრახვა მხოლოდ ზღვა და ბათუმის ქუჩებში ბოდიალი იყო. შედეგად კი ამოვყავი თავი ფესტივალზე სადაც ყველა ფუსფუსებდა, აპოლოდან რედისონში ან პრესკაფეში მასტერკლასებზე და სეანსებზე მიიჩქაროდა. მოკლედ, ამ ყველაფრით მონუსხულმა გადავწყვიტე 2012 წელს სრულად დავსწრებოდი ბათუმის ფილმის ფესტივალს და მონაწილეობა მიმეღო როგორც ფესტივალის გაშუქებაში, ისე ბლოგერების კონკურსში.

პირველად ბლოგერების კონკურსი 4 წლის წინ ჩატარდა და საკმაოდ ცოტა, მგონი სულ 5-6 ბლოგერი, მონაწილეობდა. შარშან, როდესაც პირადად დავესწარი როგორც ფესტივალის გახსნას, ისე მის დახურვას და აქტიურად ვიყავი ჩაბმული ამ ყველაფერში გაცილებით მეტმა ბლოგერმა მიიღო მონაწილეობა.

კონკურსის პირობები ასეთია:

1. უნდა გქონდეს აქტიური ბლოგი.
2. უნდა გაიაროთ რეგისტრაცია – http://goo.gl/cxAMX . რეგისტრაციის ბოლო ვადა 15 აგვისტოა (მე უკვე გავიარე და ვაპირებ დავესწრო მთელი კვირის განმავლობაში).
3. განათავსოთ ბლოგზე ფესტივალის ბანერი.
4. კონოფესტივალის დაწყებამდე დაწეროთ ერთი პოსტი, რომელიც ზოგადად შეეხება ბიაფფ-ს.
5. ფესტივალის განმავლობაში წეროთ იქ არსებულ სიტუაციაზე, მასტერკლასებზე და ფილმებზე.

შარშან, ჩემი ფილმების ნაკლებსიყვარულობის გამო, მეგონა ბოლო პუნქტის შესრულება გამიჭირდებოდა. მაგრამ, დამიჯერეთ, იქ ისეთი სიტუაციაა და ისეთი ფილმები თავად მოგინდებათ ფილმთან დაკავშირებული თითოეული ემოცია, ცუდი იქნება ეს თუ კარგი, გაუზიაროთ ხალხს.

  • რატომ არის კარგი ბიაფფ-ის კინოფესტივალში გამოცხადებულ კონკურსში მონაწილეობა?

1. გექნებათ აკრედიტაცია, რაც საშუალებას მოგცემთ დაესწროთ ფესტივალის განმავლობაში დაგეგმილ ნებისმიერ კინოჩვენებას. თქვენთვის ადგილი დარბაზში ყოველთვის იქნება.
2. მოგეცემათ საშუალება დაესწროთ ყველა პრესკონფერენციას და მასტერ კლასს. თუ სურვილი გექნებათ ჩაწეროთ ფესტივალის ჟიური, სტუმრები, ორგანიზატორები და საერთოდაც, ყველა ვისაც ხელს დაადებთ ^_^
3.  გექნებათ ბეჯი საკუთარი სახელით და ბლოგის ლინკით. თქვენი არ ვიცი, მაგრამ მე ბეჯები ძალიან მიყვარს :3
4. იმჰო, ძალიან მნიშვნელოვანი და დასაფასებელია რომ საშუალება გექნებათ დაესწროთ ფესტივალის გახსნის და დახურვის ცერემონიალს. გასათვალისწინებელია რომ გახსნაზე და დახურვაზე სტუმრების დასწრება ხდება მოსაწვევებით.
5. გექნებათ მაისური ფესტივალის ლოგოთი. მაისური რომ მეცვა რაღაც ისეთი შეგრძნება მქონდა, თითქოს ფესტივალის განმავლობაში ჩემთვის “დახურული კარი” არ არსებობდა და კინოთეატრ აპოლოში თავს ისე ვგრძნობდი როგორც საკუთარ სახლში ^_^

წელს იქნება განსაკუთრებით კარგი პრიზები, რადგან ბიაფფ-ს რამდენიმე კომპანია/დაწესებულებაც შეუერთდა და სურვილი გამოთქვა პარტნიორობის.

  • ე.ი პრიზებად გათვალისწინებულია:

1.   BIAFF პრიზი – 3 ბლოგერი რომელიც ყველაზე ინტენსიურად და საინტერესოდ გააშუქებს ფესტივალს, მომავალ წელს ბათუმის საავტორო კინოფესტივალის ექსკლუზიური ბლოგერის სტატუსით ისარგებლებს  და სამივე ბლოგერის ტრანსპორტირებას, ბათუმში საცხოვრებელი ადგლისა და ცხოვრების ხარჯებს კინოფესტივალი დაფარავს. ასევე ისენი მოწვეულნი იქნებიან კინოფესტივალის გახსნისა და დახურვის ცერემონიასა და ბანკეტზე.
2.   კავკასიის მედია სკოლის პრიზი – გამარჯვებულ 3 საუკეთსო ბლოგერს გადაეცემა  მოკლევადიანი კურსების უფასო სწავლების ვაუჩერი
3.   სასტუმრო „რჩეული ვილას“ ქსელის პრიზი  – გამარჯვებულ 3 საუკეთსო ბლოგერს გადაეცემა  2 დღიანი, ორკაციანი ვაუჩერი სასტუმრო „რჩეულ ვილას“ რომელიმე სასტუმროში  (ბათუმი, ქუთაისი, თელავი, სიღნაღი) დასვენებისთვის
4.  კინოფესტივალის პარტნიორი ტურ კომპანიის პრიზი –  3 ბლოგერს გადასცემს 2-3 დღიან სამოგზაურო ვაუჩერს (საქართველოს ფარგლებში
5. ჰოსტელი „ანრის პრიზი (ბათუმი– საუკეთესო 4 ბლოგერს გადაეცემა 5 დღიანი საგზური ჰოსტელში დასვენებისთვის.

ვგონებ საკმარისი და ამომწურავი ინფორმაციაა საიმისოდ რომ 15-დან 22 სექტემბრამდე მოგინდეთ დაესწროთ ბათუმის ფილმის ფესტივალს, გააშუქოთ ის და მიიღოთ მონაწილეობა ბლოგერების კონკურსში.

ყველა ამ სიკეთეს ბონუსად სდევს ფესტივალის პერიოდში გატარებული თითოეული გათენებული ღამე ან სანაპიროზე ან სადმე სხვაგან, უძილობისგან დასიებული თვალები და ა.შ ^_^

თუ თვლით რომ საკმარისად ამომწურავი არ არის ეს ინფო შეგიძლიათ მკითხოთ რამე, ან მიმართოთ ბიაფფ-ის ოფიციალურ ფეიჯს – http://www.facebook.com/BIAFFBATUMI

ბათუმის კინოფესტივალის დასასრული და მე

რამდენიმე წუთის წინ რომ გავიღვიძე, პირველი წამები ისევ ბათუმში მეგონა თავი. საკუთარი ოთახი მეუცხოა და პროგრამაზე დავიწყე ფიქრი. პროგრამაზე, რომელიც აღარ მჭირდება და ცოცხალი თავით არ ვაგდებ. თითქმის 24 საათია თბილისში ვარ და ბუნებრივია, რომ ისევ ბათუმს მივტირი. მომწონდა ბათუმის ქუჩებში ბოდიალი დიდი ზურგჩანთით, ბეჯით და საქმიანი იმიჯით. აპოლოდან რედისონში, რედისონიდან პრესკაფეში, პრესკაფედან ისევ აპოლოში და  ა.შ. მთელი ფესტივალის განმავლობაში. ისეთი შეგრძნება მქონდა რომ რაღაც საქმეს ვაკეთებდი, უქმად არ ვიჯექი, სულ სადღაც მივდიოდი, სულ სადღაც მაგვიანდებოდა… დამღლელი დღის ბოლოს მხიარული ღამე იწყებოდა, ზოგჯერ შემოდგომის თბილი ზღვა, ზოგჯერ სასმელი და გართობა, ზოგჯერ სერიოზული სჯა-ბაასი სხვადასხვა საკითხებზე და ბოლოს დასიებულთვალებიანი დილა, ფილმებზე ჩათვლემა, სეანსებს შორის ფეისბუქზე 15 წუთიანი შეძრომა, მცდელობა რომ ყავით გამოვფხიზლებულიყავით, კარგი ფილმის შედეგად გამოწვეული ემოციების ყველასთვის გაზიარება და ეს ყველაფერი სულ რაღაც 1 კვირას გაგრძელდა და 1 წლით მორჩა.

ფილმის ფესტივალი 16 სექტემბერს დაიწყო და 23-ში დასრულდა. მთელი 1 კვირა თავიდან ფეხებამდე შიგნით ვიყავი ჩართული და მსიამოვნებდა. მიუხედავად იმისა, რომ ბევრი ისეთი ფილმი ვნახე რაც არ მომეწონა, ბევრი ისეთი ფილმი გავმაზე რაც არ უნდა გამემაზა, მაინც საოცრად კმაყოფილი ვარ. თამამად შემიძლია ვთქვა, რომ 1 კვირაში 1 წლის მარაგი ფილმები ვნახე. ნანახი ფილმებიდან, რა თქმა უნდა ფავორიტიც მყავდა, რომელსაც ჩემის აზრით უნდა გაერმარჯვა, რომელიც იმსახურებდა გრან პრის.

ბიაფის დახურვის ცერემონიალი სასტუმრო შერატონში გაიმართა. ფესტივალის ჟიურის მიერ გამოვლინდა გამარჯვებულები შემდეგ კატეგორიებში:

• მხატვრული ფილმების საერთაშორისო კონკურსი:

საუკეთესო რეჟისურა – ემინ ალპერი – მთებს მიღმა, თურქეთი/საბერძნეთი, 2012,

საუკეთესო მამაკაცის როლის შემსრულებელი – ალირეზა აკხაგანი, ფილმში – ბოლო ნაბიჯი, ალი მოსაფა, ირანი, 2012

საუკეთესო ქალის როლის შემსრულებელი – გოლშიფტეჰ ფარაჰანი, ფილმში – ქათამი ქლიავით, ვინსენტ პარონო, მარიან სატრაპი, საფრანგეთი/გერმანია, 2011 წ.

ჟიურის სპეციალური პრიზი – სახლი კოშკურით, ევა ნეიმანი, უკრაინა, 2011 წ

• დოკუმენტური ფილმების საერთაშორისო კონკურსი:

საუკეთესო დოკუმენტური ფილმი – “არგენტინული გაკვეთილი”, ვოიცეხ სტარონი, პოლონეთი, 2011წელი. რეჟისორმა განაცხადა “ვინ იცის, იქნებ ქართული გაკვეთილიც გადავიღოო”.

ჟიურის სპეციალური პრიზი – “იძულებითი რევოლუციონერი”, შონ მაკალისტერი, დიდი ბრიტანეთი/ირლანდია, 2012 წ.
• მოკლემეტრაჟიანი ფილმების საერთაშორისო კონკურსი:

საუკეთესო მოკლემეტრაჟიანი – “საზამთრო”, ტატო კოტეტიშვილი, პოლონეთი/საქართველო, 2012წ.

ჟიურის სპეციალური პრიზი – “თავისუფლების სამი დღე”, ლუკაშ ბოროვსკი, პოლონეთი, 2011 წ.
კინოფესტივალის დახურვის ცერემონიაზე BIAFF ყოველწლიური პრიზი მსოფლიო კინემატოგრაფიაში შეტანილი წვლილისათვის (ე.წ.Lifetime Achievement Award) გადაეცა ცნობილ უნგრელ რეჟისორს – ბელა ტარს.

ბელა ტარი, რომელმა გაგვაფრთხილა ჩემს ფილმს არ უყუროთო და დატოვა დარბაზი. დაუჯერე ადამიანო როცა რეჟისორი გაფრთხილებს 😐

და ბოლოს, batumi international art-house film festival-ის გრან პრის მფლობელი გახდა – “სიბნელეში”, აგნეშკა ჰოლანდი, კანადა/გერმანია/პოლონეთი, 2011 წ; სწორედ ის ფილმი, რომელსაც ვგულშემატკივრობდი, რომელიც ძალიან მომწონდა და რომელიც იმსახურებდა.

ბათუმი სწორედ ის ქალაქია სადაც ფილმის ფესტივალი უნდა ჩატარდეს, სექტემბერი ის პერიოდია, როდესაც უნდა ჩატარდეს და ეს ის ფესტივალია, რომელსაც უნდა დაესწრო.

შერატონში, ბიაფფის დასკვნით საღამოზე

გუშინ, 6-ის 20 წუთი იყო, ბოლოჯერ რომ შევავლე ბათუმს თვალი. 1 წელი აღარ ჩამოვალ. ვიცი რომ ბათუმი მხოლოდ ფილმის ფესტივალი არ არის, რომ წვიმიანი თუ თოვლიანი ბათუმიც ისევე ბათუმობს როგორც სექტემბერში. მაგრამ დღეს უკვე უნივერსიტეტშიც ვიყავი და მიწევს ფეხი ავუწყო თბილისის ცხოვრებას და ყოველდღიურობას დავუბრუნდე.

საქართველოს დედა

ზუსტად 1 კვირაა რაც ბათუმში ვარ. ამინდი აირია, წვიმს და უღიმღამოა. მყუდროდ ვარ მოკალათებული აპოლოს ფოეიეში ჭიქა ყავით და  ვფიქრობ რაზე დავწერო. როგორ გავიდა ერთი კვირა? თუ იმაზე, ვინმეს რომ ეთქვა დღეში 3 ფილმს ნახავო ათივე თითით რომ დავცინებდი? ან იმაზე, რომ  გუშინ ღამით, როდესაც სანაპიროზე ვიწექი, ზღვის ხმას ვუსმენდი და თავზე მაწვიმდა, გული მწყდებოდა რომ ეს ყველაფერი ხვალ ღამით დასრულდებოდა. აღარ ვირბენ აპოლო-კაფე-სახლი, აღარ ავდგები ადრე ფილმის სანახავად, აღარ დავჯდები აპოლოს ფოიეში და აღარ გამაწამებს ინტერნეტი, აღარ მომინდება ნანახი ფილმის შედეგად ემოციების გაზიარება. აღარ ვიბოდიალებ ბათუმში გზა აბნეული პატივით და ზუსტად 1 წლით ყველაფერს წერტილი დაესმევა.

ვერასდროს ვიფიქრებდი, რომ 3 საათიანი ძილის შემდეგ ლოგინიდან წამოვფრინდებოდი და ფილმის სანახავად გავიქცეოდი. თან ქართული ფილმის. როდესაც “სეზონი” ვნახე, დავიბიჯე რომ ქართულ არც-ერთ ფილმს აღარ ვნახავდი. მაგრამ, ბათუმში ჩამოსვლის დღიდან, მესმოდა რომ რუსუდან ჭყონიას “გაიღიმე” იყო ძალიან კარგი და რომ აუცილებლად უნდა მენახა. გაგონილს ნანახი სჯობიაო და მაგის დამსახურებაა, რომ ზუსტად 11-ის ნახევარზე, გუშინდელი ნამთვრალევი, დარბაზში ვიჯექი და ველოდებოდი დაწყებას.

ფილმი კონკურსს ეხებოდა, სადაც უნდა გამოევლინათ საქართველოს დედა.  ტონკადაა ძალიან ბევრი ქართული მანკიერი თვისებები გადმოცემული. მაგალითად, გათხოვილ, შვილიან ქალს, კონკურსზე თან ახლავს დედა, რომელიც მის მაგივრად საუბრობს, მის მაგივრად ამბობს რა შეუძლია შვილს. კიდევ ერთი, რაც თვალში ძალიან მომხვდა იყო დევნილების საკითხით მანიპულირება კონკურსებში, კულისებს მიღმა განვითარებული მოვლენები, გაჭირვებული დედების თავდადება იმისთვის, რომ ოჯახი არჩინონ, მაშინ როდესაც ქმარი ფაქტობრივად არაფერს აკეთებს. მთავარია კონკურსი შედგეს და დანარჩენის ფეხებზე დაგიკდება,  გაუთვალისწინებელი მოვლენები, კონკურსანტებთან შეუთანხმებელი ნაბიჯები და ამ ყველაფრის მერე, სცენაზე ღიმილის შენარჩუნებისთვის ბრძოლა.

ღირდა ჩემი დღევანდელი თავდადება, ადრე ადგომა და გამოუძინარი სახით აპოლოში მისვლა.

პ.ს თქვენი აზრით, როგორი უნდა იყოს საქართველოს დედა? რა თქმა უნდა ქართლის დედის შემდგომ 🙂