Tag Archives: პოლიტიკა

ბებო

ხვალ ერთი კვირა გახდება რაც ბებიაჩემი დროებით ჩვენთან ცხოვრობს. როგორც წესი მიჩვეული ვარ, რომ სახლში მე, ჩემი და, ჩემი ძმა და მშობლები არიან. ბებიასთან ერთად ღრმა ბავშვობაში, რამდენიმე კვირა ვცხოვრობდი.

როგორც კი ჩვენთან გადმოვიდა, მაშინმე მეუცხოა სახლში ზედმეტი პირი. რაღაცნაირად ვერ ვგუობდი.

ხალხს როგორც კი ახალი ვინმე ან რამე (მაგალითად ძაღლი, თუთიყუში, კატა, ბავშვი) უჩნდებათ სახლში ფეისბუქზე სტატუსები მაშინვე მათზე იწერება ხოლმე, ხოდა, მე სულ მინდება რომ ბებიაჩემზე ვწერო.

ასე მაგალითად, ერთ დილას, დილას რა, პირველ საათზე, ჩემი ოთახის კარი 5 წუთის განმავლობაში 3-ჯერ შემოაღო, მერე შემომძახა ნათი გძინავსო? კი-მეთქი და ხო კაი უბრალოდ შემეშინდა ამდენ ხანს რომ გეძინაო.
ერთ-ერთ დილას გაოცებული განცვიფრებული მიყურებს და მეკითხება, ასე ადრე რამ აგაყენაო და ის კი გადაავიწყდა რომ ტელეფონზე ბოლო ხმაზე ლაპარაკობს და დილით მე კიარა, ზამთარში დათვიც ვერ გამოიძინებს.
უყვარს ჭორაობა, თან საშინლად. თუ 2-3 საათი ისე გავა რომ ტელეფონზე არავინ დაურეკავს, არც მეზობელი ჩამოაკითხავს და ტელევიზორშიც არაფერია საინტერესო მაშინვე ჩემთან მორბის და მიყვება საავადმყოფოს ამბებს, რომლებიც უკვე ბევრჯერ მომიყვა.
ბებიაჩემი ივანიშვილს უჭერს მხარს, სჯერა მისი და უყვარს წულუკიანი. თუკი ქვეყანაში რამე კარგი კეთდება ივანიშვილის დამსახურებაა, თუ ცუდი, მაშინ მასხარა სააკაშვილს. საერთოდ, რთულია რამე აუხსნა, იმიტომ რომ არ გისმენს. ვერაფრით ვერ ავუხსენი რატომ არ შეიძლება ეკავოს ადამიანს იუსტიციის მინისტრის პოზიცია თუკი არ აქვს იურისტის დიპლომი.
გიჟდება თავის სახლზე. რომელიც ცოტა ხნის წინ რუსთავში იყიდა. როგორც თოჯინა ეგეთიაო და აუცილებლად ჩამოდი ნახეო. კაი-მეთქი. მაგრამ რუსთავში მეგობრების სანახავად ვერ ჩავსულვარ და სახლის სანახავად ჩავალ?!
ბებიაჩემს ხმამაღლა ლაპარაკი უყვარს. დილით ადრეც და შუაღამისასაც. არ ვიცი რატომ, უბრალოდ სულ ხმამაღლა ლაპარაკობს. პრინციპში, რაც თავი მახსოვს მისი საუბრის მანერა არ შეცვლილა.
ბებიაჩემს ძალიან უნდა რომ ვიმე კარგი, მაღალი, მხარბეჭიანი, აი ჩვეი თორნიკესნაირი (ჩემი დეიდაშვილი) ბიჭი შევიყვარო, გავთხოვდე და შვილი მყავდეს. პირველად როცა ვუთხარი არ მინდა ვიმეს შეყვარება-მეთქი, აბა შვილი არ გიდაო? შვილს ისე გავაჩენ-მეთქი და ნაბიჭვარი შვილთაშვილი არ მინდაო. ბოლოს ბრძოლის თავი არ მქონდა, დავნებდი და ჩემს ოთახში შევიკეტე,
ძალიან უყვარს ჩემს ოთახში შემოსვლა და ჩემი სარკის წინ ტრიალი.
ნაოპერაციები ადილი სტკივდება მაშინ როცა ყურადღება აკლდება, ან როცა სტუმრები მოდიან მის სანახავად 🙂
ძალიან ეშინია სიკვდილის. სულ სიკვდილზე ფიქრობს და ნატრულობს თქვენს (შვილიშვილების) ქორწილს მაინც მომასწრო რომ კარგად ვიცეკოო.

კაი ტიპები არიან ბებოები  ^_^

p.s ტელევიზორს იმხელა ხმაზე უსმეს ყველა ოთახში ისმის აბსოლუტურად -_-

კვირის ამბები

weekly news:

ივანიშვილი პოლიტიკაში მიდის, სტივ ჯობსი გარდაიცვალა,  გუგლ მეფში საქართველო გამოჩნდა და დღეს სარკოზობაა!

ყოველთვის მაინტერესებდა რატომ მიდიოდნენ პოლიტიკაში ყველა სფეროდან, შოუბიზნესი გინდა თუ ბიზნესი. პოლიტიკაში პოლიტიკოსების გარდა მგონი ყველანი ერევიან და მაგიტომაა დღეს ფეხზე მყარად რომ ვდგევართ, იმჰო. სხვა თუ არაფერი როდესაც აწყობილი ცხოვრება გაქვს და ყიდულობ და ყიდი რასაც გინდა და როცა გინდა, რატომ უნდა აგიცურდეს ბანანზე ფეხი და წახვიდე პოლიტიკაში? ბოლოს და ბოლოს წინამორბედების ბედი მაინც არ ახსოვთ? კიდევ კაი ბერას უკვე თავისი ცხოვრება და ფინანსები აქვს თორემ როგორც ანნამ თქვა მალე დაობლდება.

მართლაც რომ გენიალური ფოტოა

სტივ ჯობსი გარდაიცვალა და გლოვამ მოიცვა მთელი ფეისბუქ სამყარო და არა მარტო ფეისბუქ. კარგით, გასაგებია რომ დიდებული კაცი იყო, გასაგებია რომ სიმპატიური იყო და ყველაფერი გასაგებია, მაგრამ 2 წუთში ერთხელ სტატუს აფდეითი რომ სტივ ჯობსს და მის გენიალურობას და უეცარ სიკვდილს ეხება უკაცრავად და ძალიან მოსაბეზრებელია. სტატუს აფდეითებს შევეშვათ და რიყეზე გამართული სამძიმარი ბოდიშით და მარაზმია! თანაც, ყვავილებს და სანთლებს იქ არიგებდნენ, ხალხს არ აწუხებენ. მომიტევეთ მაგრამ სულ გარეკეთ?  მიუხედავად ყველაფრისა მე მაინც ვიზიარებ თქვენს მწუხარებას.

საქართველო გუგლ მეფში გამოჩნდა, ვაშა ქართველო ერო! სტივ ჯობსის სიკვდილით გამოწვეული დარდი უეცარმა სიხარულმა გააქარწყლა. სწორი ყოფილა ვისაც უთქვამს, ცუდს ყოველთვის კარგი მოსდევსო.

ყველაფერი რომ გვერდზე გადავდოთ დღეს სარკოზობაა და დაღვრემილი სახეები არ შეგვშენის. სწორედ იმისთვის რომ ნიკოლა სარკოზი ჩამოდის თბილისობაც კი გადმოიტანეს. თუ კი აქამდე თბილისობის დღესასწაული ოქტომბრის ბოლო შაბათ-კვირას იმართებოდა, ამჯერად პირველ პარასკევ-შაბათ-კვირას გაიმართება! ყველას გილოცავთ სარკოზობას, მრავალს დაესწარით ოჯახთან ერთად!

მაინც უფრო სარკოზით ^^