Tag Archives: სააკაშვილი

ბებო

ხვალ ერთი კვირა გახდება რაც ბებიაჩემი დროებით ჩვენთან ცხოვრობს. როგორც წესი მიჩვეული ვარ, რომ სახლში მე, ჩემი და, ჩემი ძმა და მშობლები არიან. ბებიასთან ერთად ღრმა ბავშვობაში, რამდენიმე კვირა ვცხოვრობდი.

როგორც კი ჩვენთან გადმოვიდა, მაშინმე მეუცხოა სახლში ზედმეტი პირი. რაღაცნაირად ვერ ვგუობდი.

ხალხს როგორც კი ახალი ვინმე ან რამე (მაგალითად ძაღლი, თუთიყუში, კატა, ბავშვი) უჩნდებათ სახლში ფეისბუქზე სტატუსები მაშინვე მათზე იწერება ხოლმე, ხოდა, მე სულ მინდება რომ ბებიაჩემზე ვწერო.

ასე მაგალითად, ერთ დილას, დილას რა, პირველ საათზე, ჩემი ოთახის კარი 5 წუთის განმავლობაში 3-ჯერ შემოაღო, მერე შემომძახა ნათი გძინავსო? კი-მეთქი და ხო კაი უბრალოდ შემეშინდა ამდენ ხანს რომ გეძინაო.
ერთ-ერთ დილას გაოცებული განცვიფრებული მიყურებს და მეკითხება, ასე ადრე რამ აგაყენაო და ის კი გადაავიწყდა რომ ტელეფონზე ბოლო ხმაზე ლაპარაკობს და დილით მე კიარა, ზამთარში დათვიც ვერ გამოიძინებს.
უყვარს ჭორაობა, თან საშინლად. თუ 2-3 საათი ისე გავა რომ ტელეფონზე არავინ დაურეკავს, არც მეზობელი ჩამოაკითხავს და ტელევიზორშიც არაფერია საინტერესო მაშინვე ჩემთან მორბის და მიყვება საავადმყოფოს ამბებს, რომლებიც უკვე ბევრჯერ მომიყვა.
ბებიაჩემი ივანიშვილს უჭერს მხარს, სჯერა მისი და უყვარს წულუკიანი. თუკი ქვეყანაში რამე კარგი კეთდება ივანიშვილის დამსახურებაა, თუ ცუდი, მაშინ მასხარა სააკაშვილს. საერთოდ, რთულია რამე აუხსნა, იმიტომ რომ არ გისმენს. ვერაფრით ვერ ავუხსენი რატომ არ შეიძლება ეკავოს ადამიანს იუსტიციის მინისტრის პოზიცია თუკი არ აქვს იურისტის დიპლომი.
გიჟდება თავის სახლზე. რომელიც ცოტა ხნის წინ რუსთავში იყიდა. როგორც თოჯინა ეგეთიაო და აუცილებლად ჩამოდი ნახეო. კაი-მეთქი. მაგრამ რუსთავში მეგობრების სანახავად ვერ ჩავსულვარ და სახლის სანახავად ჩავალ?!
ბებიაჩემს ხმამაღლა ლაპარაკი უყვარს. დილით ადრეც და შუაღამისასაც. არ ვიცი რატომ, უბრალოდ სულ ხმამაღლა ლაპარაკობს. პრინციპში, რაც თავი მახსოვს მისი საუბრის მანერა არ შეცვლილა.
ბებიაჩემს ძალიან უნდა რომ ვიმე კარგი, მაღალი, მხარბეჭიანი, აი ჩვეი თორნიკესნაირი (ჩემი დეიდაშვილი) ბიჭი შევიყვარო, გავთხოვდე და შვილი მყავდეს. პირველად როცა ვუთხარი არ მინდა ვიმეს შეყვარება-მეთქი, აბა შვილი არ გიდაო? შვილს ისე გავაჩენ-მეთქი და ნაბიჭვარი შვილთაშვილი არ მინდაო. ბოლოს ბრძოლის თავი არ მქონდა, დავნებდი და ჩემს ოთახში შევიკეტე,
ძალიან უყვარს ჩემს ოთახში შემოსვლა და ჩემი სარკის წინ ტრიალი.
ნაოპერაციები ადილი სტკივდება მაშინ როცა ყურადღება აკლდება, ან როცა სტუმრები მოდიან მის სანახავად 🙂
ძალიან ეშინია სიკვდილის. სულ სიკვდილზე ფიქრობს და ნატრულობს თქვენს (შვილიშვილების) ქორწილს მაინც მომასწრო რომ კარგად ვიცეკოო.

კაი ტიპები არიან ბებოები  ^_^

p.s ტელევიზორს იმხელა ხმაზე უსმეს ყველა ოთახში ისმის აბსოლუტურად -_-

ერთხელ ჩემგანაც უნდა აიტანოთ

ვიცი უკვე ტვინი მ***** ამ სახელით და არც გვარმა დააკლო, მაგრამ მე ჯერ კიდევ ვერ გადამიწყვეტია მომწონს თუ არა ეს კაცი.

საზოგადოების აზრი ბიძინა ივანიშვილთან დაკავშირებით 3 ნაწილად იყოფა.

მავანნი ფიქრობენ, რომ რუსეთის კაცია,

ზოგს მიაჩნია, რომ სააკაშვილის კაცუნაა,

ზოგსაც უბრალოდ სჯერა კეთილი და პატრიოტი ადამიანების.

რატომ უნდა იყოს ივანიშვილი რუსეთის კაცი? იმიტომ რომ იქ აქვს ბიზნესის 30%? იმიტომ რომ მაშინ როდესაც რუსეთიდან ხდებოდა ქართველების მასობრივი დეპორტაცია ბიძინას ხელი არავინ/ვერავინ დააკარა? როგორც თვითონ ამბობს აპირებს, რომ ის რაც რუსეთში აქვს გაყიდოს და საერთოდ გაწყვიტოს კავშირი. მაგრამ, 2008 წელს, რუსეთ-საქართველოს ომის დროს საგარეო საქმეთა მინისტრი (თუ სწორად მახსოვს) რუსეთის მოქალაქე იყო და მხოლოდ ბიძინაა რუსეთის კაცი? ანდაც, ბენდუქიძე, მასაც ხომ რუსეთში აქვს აწყობილი ბიზნესი? მაგრამ ხელი არ შეუშლია მთავრობაში ყოფილიყო. თანაც ბიზნესის აწყობა და პოლიტიკა დავიჯერო ასე მჭიდრო კავშირშია ერთმანეთთან? ვერ იშოვი ფულს სხვა ქვეყანაში თუ მაინც და მაინც მისი კაცი არ გახდი? მოკლედ არ ვიცი.

რატომ უნდა იყოს ბიძინა სააკაშვილის კაცი? იმიტომ რომ მიშამ კარგად იცის როგორ გამოიყენოს ფულიანი ბიძა სათავისოდ და 2013 ახლოვდება? იმიტომ რომ აქამდე კარგად წველავდა და ეხლაც იგივეს განაგრძობს ოღონდ სხვა პოზიციიდან? კარგი, დავუშვათ მიშას კაცია და ზუუსტად იგივე პოლიტიკის გატარებას აპირებს და ქვეყანის ნგრევა ისევ თავზე გაგრძელდა, ვითომ სხვანაირად არ მოვიდოდა სათავეში? თუ მაშინ პუტინ-მედვედევის ასოციაცია შეიქმნებოდა? ჰმმ, რევოლუციით მოსულიყო ბიძინა? ა, მასე ხომ მიშა მოვიდა და აღარ გაიმეორეს? არც ეს არ ვიცი.

დავიჯერო, ბიძინა მართლა პატრიოტია და მართლა არსებობს ქვეყანაზე მოფიქრალი ადამიანი? – რატომღაც ნაკლებად მჯერა. მთელი ეს პერიოდი ბიძინას კისერზეა პატრულის დაფინანსება და ჩამოყალიბებაში ხელის შეწყობა, სპეცრაზმის აღჭურვილობა, სამების საკათედრო ტაძარი, თსუ-ს პირველი კორპუსი, რომელშიც, როგორც ამბობენ, 70 მილიონი “გადაყარა” და ათასი “წვრილმანი”, მაგრამ მაშინ ეს ყველაფერი არ ჩანდა და secret santa იყო, მის გაკეთებულ საქმეებს კი მიშა იბრალებდა მაგალითად პატრულს, სპეცრაზმს… მოიცა და თუ ესენი ბიძინამ დააფინანსა ბიუჯეტი სადღა წავიდა? კარგი ეს სხვა თემაა. ამ რამოდენიმე დღის წინ არ იყო, რომ რასმუსენი ბიძინას გარემონტებულ თსუ-ს პირველ კორპუსში მიიღო? ირონია სუძბი. სამაგიეროდ მოქალაქეობა ჩამოართვა ივანიშვილს : ) შეიძლება ესეც ერთგვარი ტაქტიკაა, მიშაზე გამწარებული ხალხი მხარს დაუჭერს ბიძინას და შედეგად მივიღებთ გაორმაგებული ძალებით დაბრუნებულ სააკაშვილის. მოკლედ, არც ეს ვიცი.

საბოლოოდ არ ვიცი რომელ აზრს მივემხრო და საით გადავიხარო. ერთი შეხედვით არ უნდა იყოს ცუდი ბიძინა (აი აქცენტი რომ არ ჰქონდეს, კარგი ორატორი იყოს, ქარიზმაც არ აწყენდა, მეტი გამბედაობა), მაგრამ მეორეს მხრივ იქნება და მართლა რაღაცას აჩალიჩებს? ბოლომდე კეთილი ადამიანების არ მჯერა, თან რომ პოლიტიკაში მიდიან ისეთების.

მოკლედ, მე განვაგრძობ დაკვირვებას ^^